AP Khabar२०७५ चैत्र १२, मंगलबार (५ साल अघि)
४४५ पाठक संख्या सोमबार राति १२ बजेतिर लम्जुङको बेँसिशहर नगरपालिका ८ नारायणथानमा लागेको आगलागीका कारण करिब ४० लाख रुपैयाँ भन्दा बढी क्षति भएको छ । आगलागी १ घण्टापछि दमकलको सहयोगमा नियन्त्रणमा आएको थियो ।
आगलागीबाट सर्टिङ-सुटिङ पसल र कम्प्युटर मर्मत पसलको कोठामा क्षति भएको जिल्ला प्रहरी कार्यालय लम्जुङले जानकारी दिएको छ । उत्तर बहादुर परियारको सर्टिङ-सुटिङ पसल र रितेश थापाको कम्प्युटर मर्मत कक्ष जस्ताको छानो भएको ब्लकबाट निर्मित थिए ।
परियार र थापा दुवै ले आगलागीबाट करिब ४५ लाखको क्षति भएको दावी गरेका छन् । ४० लाखको समान जलेको परियारले बताएका छन् भने थापाले ५ लाखको क्षति भएको दावी गरेका छन् । प्रहरीले भने क्षतिको एकीन विवरण नआएको जानकारी दिएको छ ।
प्रतिक्रिया दिनुहोस