चैत्र १३ इंडियन प्रिमियर लिग (आइपीएल) टी–ट्वान्टी क्रिकेट अन्तर्गत हिजो भएको आफ्नो दोश्रो खेलमा चेन्नाई सूपरकिंगले जित निकालेको छ । मंगलबार बेलुकी दिल्लीको फिरोज शाह कोटला क्रिकेट मैदानमा भएको खेलमा घरेलु टीम दिल्ली क्यापिटल्सलाई ६ विकेटले पराजित गर्दै चेन्नाइले खेल आफ्नो पक्षमा पारेको हो ।
टस जितेर पहिला ब्याटिङ रोजेको दिल्लीले निर्धारित ओभरमा ६ विकेट गुमाएर १ सय ४७ रन बनाएको थियो । दिल्लीका लागि शिखर धवनले सर्वाधिक ५१, पृश्वी शाहले २४, श्रेयस ऐयरले १८, रिसव पन्तले २६ र राहुल टेवाटियाले ११ रन बनाए ।
१ सय ४८ रनको विजयीलक्ष्यसहित मैदान प्रवेश गरेको चेन्नाइले २ बल बाँकी छँदै ४ विकेट गुमाएर लक्ष्य हाँसिल गर्यो । चेन्नाइका लागि सेन वाट्सनले सर्वाधिक ४४, सुरेश रैनाले ३०, केदार जाधवले २७ र महेन्द्रसिंह धोनीले ३२ रन बनाए । खेलको प्लेयर अफ द म्याच चेन्नाइका सेन वाट्सन घोषित भए ।
आइपीएल अन्र्तगत आज कोलकत्ता नाइटराइडर्स र किंग्स इलावेन पञ्जावबीचको खेल हुनेछ । खेल नेपाली समय अनुसार बेलुकी सवा ८ बजे इडन गार्डे स्टेडियम कोलकत्तामा हुँदैछ । पञ्जाब र कोलकत्ता दुवैले आफ्नो पहिलो खेलमा जित हात पारेका थिए । पञ्जाबले पहिलो खेलमा राजस्थानलाई १४ रनले पराजित गरेको थियो भने कोलकत्ताले सनसाइजर्स हैदराबादलाई ६ विकेटले पराजित गरेको थियो ।
प्रतिक्रिया दिनुहोस