जुम्लामा घर भत्किँदा श्रीमान श्रीमती घाइते भएका छन् । जिल्लाको गुठिचौर गाउँपालिका ५ धिता बाख्रेचौरमा निर्माणाधीन दुई तले घर भत्किँदा दुई जना घाइते भएका हुन्।
स्याउको बगैँचामा रहेको निर्माणाधीन दुई तले घर भत्किँदा चन्दननाथ नगरपालिका ५ का ५१ वर्षीय रत्नराज गिरी र उनकी श्रीमती ४९ वर्षीया हरीदेवी घाइते भएका हुन्। उनीहरुको कर्णाली स्वास्थ्य विज्ञान प्रतिष्ठान, जुम्लामा उपचार भइरहेको छ ।प्रतिष्ठानका डा पूजन रोकायाका अनुसार रत्नराजको अवस्था गम्भीर छ। हरिदेवीको अवस्था सामान्य रहेको छ । उनीहरुलाई स्थानीय र प्रहरीको सयोगमा उद्धार गरिएको थियो ।
प्रतिक्रिया दिनुहोस