चैत २५ चितवनमा बिग्रेर रोकिराखेको ट्रकसंग मोटरसाइकल ठोक्किदाँ एक जनाको मृत्यु भएको छ भने अर्का एक घाईते भएका छन् ।
भरतपुर महानगरपालिका – १ रामनगर जंगलमा गएराति ८:३५ बजे ना ६ ख ५७२९ नं को ट्रकमा ना २० प ७५१८ नं को मोटरसाईकल ठोक्किदाँ पछाडी सवार पोखरा महानगरपालिका ३१ का १६ वर्षीय सरोज भुजेलको मृत्यु भएको चितवन प्रहरीले जनाएको छ । भुजेलको उपचारको क्रममा राति करिब १० बजे पुरानो मेडीकल कलेजमा मृत्यु भएको हो । भुजेलको शव पोसमार्टमका लागि भरतपुर अस्पतालमा राखिएको छ।
त्यस्तै घाईते हुनेमा मोटरसाईकल चालक तनहु देवघाट – ५ का अन्दाजी ४० वर्षीय महेश्वर कडेल रहेका छन् । कडेलको पुरानो मेडीकल कलेजमा उपचार भईरहेको छ ।
प्रतिक्रिया दिनुहोस