चैत्र २५ गैंडाको आक्रमणबाट पर्यटकसहित २ जना घाइते भएका छन् । चितवन राष्ट्रिय निकुञ्जको पूर्वी क्षेत्रस्थित दूधौरामा सोमबार बिहान गैँडाले पर्यटकलाई आक्रमण गरेको हो ।
गैंडाको आक्रमणबाट अष्ट्रेलियन नागरिक १९ वर्षीय विलियम पेटर एकम्यानस र पथ प्रदर्शक सौराहा ओदाराका ५५ वर्षीय जितु महतो घाइते भएको गेम स्काउट दीपक कुमालले बताए ।
कुमालका अनुसार घाइते मध्ये एकम्यानसको अवस्था गम्भीर छ । महतो भने खतरामुक्त छन् ।
डुङ्गा सयरपछि जङ्गलमा पैदलयात्रा गर्न गएका पर्यटकलाई बच्चासहित रहेको गैँडाले लखेटेर आक्रमण गरेको हो । घटना लगत्तै निकुञ्ज कर्मचारी, सुरक्षाकर्मी, होटल व्यवसायी, पथ प्रदर्शक उद्धारका लागि पुगेका थिए ।
janta samachar
प्रतिक्रिया दिनुहोस