AP Khabar२०७५ कार्तिक २५, आईतबार (५ साल अघि)
५५१ पाठक संख्या AP डेस्क
जीतपुर, कार्तिक २५ : बाराका प्रदेश सभा सदस्यहरुले दोस्रो अन्तराष्ट्रिय विमान स्थल बारामै बन्नुपर्ने भन्दै पहल अगाडी बढाएका छन । प्रदेश नम्बर २ को राजधानि जनकपुरमा बसेको बाराका प्रदेश सभा सदस्यहरुले केन्द्र तथा प्रदेश सरकारलाई ध्यानाकर्षण गराउने पहल अगाडी बढाएको बाराका प्रदेश सभा सदस्य सुन्दर विकले जानकारी दिनुभएको छ ।
बारा जिल्लामा भौगौलीक र चट्टानी माटोको हिसाबले दोस्रो अन्तराष्ट्रिय विमान स्थल बनाउन उपयुक्त स्थान रहेको निशकर्ष निकाल्दै केन्द्र तथा प्रदेश सरकारलाई ध्यानाकर्षण गराउने तैयारी थालिएको प्रदेश सभा सदस्य विकले जानकारी दिनुभयो ।
बैठकले यो विमन स्थल काठमान्डौ तराई द्रुत मार्गका साथै विशेष आर्थिक क्षेत्र (सेज) र भारतसंगको नेपालको मुख्य नाकाको रुपमा रहेको विरगंज पथलैया ६ लेन सडकसंग जोडिने भएकाले यसै जिल्लामा दोस्रो अन्तराष्ट्रिय विमान स्थल बन्नुपर्ने निस्कर्ष निकालेको हो ।
०६४ माघको सिफारिसअनुसार सरकारले त्रिवर्षीय योजना ०६४–६७ मा नेपाल प्रवेश गर्ने वैकल्पिक अन्तर्रा्ष्ट्रिय हवाई मार्गका लागि बारामा दोस्रो अन्तर्रा्ष्ट्रिय विमानस्थल निर्माण गर्ने घोषणा गरेको थियो ।
प्रतिक्रिया दिनुहोस