चैत्र २८ इंडियन प्रिमियर लिग (आईपीएल) अन्तर्गत बुधबार राती सम्पन्न खेलमा मुम्बई इंडियन्सले पञ्जाबविरुद्ध जित निकालेको छ । मुम्बईले पञ्जाबलाई तीन विकेटले पराजित गरेको हो ।
१ सय ९८ रनको विजयीलक्ष्य पछ्याएको मुम्बईले निर्धारित २० ओभरमा ७ विकेट गुमाउँदै लक्ष्य भेट्टाएको हो । मुम्बईका लागि क्विन्टन डिकक २४, सिद्धेस लाड १५, सुर्यकुमार यादव २१, किरण पोलार्ड ८३, इसान किसान ७, हार्दिक पाण्ड्या १९, क्रुनाल पाण्ड्या १ रनमा आउट हुँदा अल्जारी जोसेफ १५ र राहुल चहर १ रन बनाउँदै नटआउट रहे । बलिङतर्फ पञ्जाबका मोहम्मद सामीले तीन, रविचन्द्र अश्विन, श्याम करन र अंकित राजपूतले समान एक–एक विकेट लिए ।
मुम्बईको वान्खेडे स्टेडियममा टस हारेर पहिला ब्याटिङ गरेको मुम्बईले निर्धारित ओभरमा ४ विकेटको क्षतिमा १ सय ९७ रन बनाएको थियो । पञ्जाबका लागि लोकश राहुलले शतकिय पारी खेले । उनले ६४ रनमा १ सय रन खेलेर नटाआउट रहे । यस्तै क्रिस गेल ६३, डेभिड मिलर ७, करुण नायर ५, श्याम करन ८ रनमा आउट हुँदा मन्दीप सिंह ७ रन खेल्दै नटआउट रहे । बलिङतर्फ मुम्बईका हार्दिक पाण्ड्या दु्ई, जस्प्रित बुमराह र जसन बेह्रेनपडोर्फले समान एक–एक विकेट लिए । ३१ बलमा ८३ रन बनाएका किरन पोलार्ड म्यान अफ द म्याच घोषित भए ।
आजको खेल
प्रतियोगिता अन्तर्गत आज राजस्थान रोयल्स र चेन्नाई सुपरकिंग्सबीचको खेल हुनेछ । खेल नेपालीसमय अनुसार बेलुकी सवा ८ बजे राजस्थानमा हुनेछ । ६ खेलमा ५ खेल जितेको चेन्नाई अंकतालिकको शीर्ष स्थानमा रहँदा ५ खेलमा १ खेल मात्र जितेको राजस्थान तालिकाको पुच्छारबाट दोश्रो स्थानमा छ । यी दुईटीम यसअघि भएको पाँच खेललाई हेर्ने हो भने, तीन खेलमा चेन्नाई र दुई खेलमा राजस्थान विजयी भएको छ । घरेलु मैदानमा आजको खेल हुने भएकोले पनि राजस्थानले आजको खेलमा आफ्नो पकड जमाउन सक्ने अनुमान गरिएको छ । यद्यपि चेन्नाईले प्रतियोगितामा आफूलाई अहिलेसम्म अब्बल राखेको छ ।
janta samachar
प्रतिक्रिया दिनुहोस