बैशाख १८ राष्ट्रिय गौरवका आयोजना मध्येको मोतिहारी–रक्सौल–अमलेखगंज पेट्रोलियम पाईप लाईन अन्तर्गत पर्सा राष्ट्रिय निकुञ्जभित्र पर्ने पाँच किलोमिटर क्षेत्रमा मात्र जमीनमुनि पाइप बिछ्याउने काम बाँकी रहेको छ । रोलहरु………
नेपालमा पेट्रोलियम पदार्थ आयात गरिने प्रमुख नाकाको रुपमा रहेको भारतको मोतिहारी–अमलेखगंज पेट्रोलियम पाईप लाईन निर्माण आयोजनामा भारत तर्फको ३३.७ किलो मिटरको सबै काम सम्पन्न भैसकेको र नेपाल तर्फको ३६.२ किलोमिटर भाग मध्ये हाल सम्म ५ किलोमिटर जमीनमुनि पाइपलाईन बिछ्याउने काम बाँकी रहेको नेपाल आयल निगम अम्लेखगंज डिपो कार्यालय अम्लेखगंजले जनाएको छ ।
बाराको पथलैया देखि अम्लेखगंजसम्म पर्ने पर्सा राष्ट्रिय निकुञ्ज अन्तरगतको करिब ८ किलोमिटर मध्ये ३ किलोमिटरमा काम सम्पन्न भैसकको र बाँकी ५ किलोमिटरमा बैशाख महिनाभित्र जमीनमुनि पाइपलाईन बिछ्याउने काम सम्पन्न हुने नेपाल आयल निगम अम्लेखगंज डिपो कार्यालयका प्रमुख प्रदिप यादबले जानकारी दिनुभयो ।
उहाँले पाईपलाईनको काम सम्पन्न भएसंगै आवश्यक पर्ने भण्डारन डिपो स्टेसनको काम ९० प्रतिशत सम्पन्न भएको जानकारी दिदै असार भित्र तेल आयात हुने काम शुरु हुने बताउनुभयो ।
वाईट ः प्रदिप यादब, कार्यालय प्रमुख नेपाल आयल निगम अम्लेखगंज
भारतिय कम्पनी निखिथा इन्फ्रास्टक्चरले १५ महिना भित्र काम सक्ने गरि निर्माणको जिम्मा पाएको यस आयोजनामा रुख कटान नहुदाँ निर्माणमा समस्या भएको थियो । तर रुख कटानको काम अगाडी बढेसंगै यस पाईपलाईन जडान कार्यले गति लिएको हो ।
हाल निुकञ्ज अन्तरगत रहेको दुई भिमेश्वर, राधा कृष्ण मध्यवर्ती सामुदायीक बन र निुकञ्जमा पर्ने ८ किलोमिटरका रुखहरु मध्ये ५ सय २ ओटा रुख कटान गर्न मात्र बाँकी रहेको द टिम्बर कर्पाेरेशन अफ नेपाल पथलैयाका प्रमखु सुमन सिहँले जानकारी दिनुभएको छ । उहाँले बाँकी रहेको रुखपनि एक हप्तामा काटान हुने बताउनुभयो ।
वाईट ः सुमन सिंह, कार्यालय प्रमुख द टिम्बर कर्पाेरेशन अफ नेपाल पथलैया
नेपालमा हाल डिजेलको खपत बढि हुने गरेकोले तत्काल डिजेल मात्र ल्याईने र विस्तारै मटितेल र पेट्रोलको भण्डारण ट्याङ्क निर्माण भए पश्चात मटितेल र पेट्रोलपनि सोहि पाईपलाईन मार्फत आयात हुने योजना कार्यलय सिमराले जनाएको छ ।
प्रतिक्रिया दिनुहोस