जेठ १३
अमेरिकाका राष्ट्रपति डोनाल्ड ट्रम्प र जापानका नयाँ सम्राट नारुहितोबीच सोमबार टोकियो दरबारमा भेटवार्ता भएको छ । योसँगै ट्रम्प नारुहितोलाई भेट्ने पहिलो विदेशी नेता बनेका छन् । राष्ट्रपति ट्रम्प तथा सम्राट नारुहितोबीच टोकियोमा रहेको दरबारमा ५० मिनेट भेटवार्ता भएको जनाइएको छ ।
भेटवार्ताअघि दरबारमा ट्रम्पलाई जापानी सेनाको टुकडीले सम्मानगारत अर्पण गरेको थियो । भेटवार्तामा साम्राज्ञी मासाको र अमेरिकी प्रथम महिला मेलानीया ट्रम्प पनि सहभागी रहेका जनाइएको छ ।
गत मे १ मा सम्राटका रुपमा नारुहितोले औपचारिक गद्दिआरोहण गरेसँगै जापानमा रेइवा युग शुरु भएको थियो । यस युगमा सम्राट नारुहितोसँग भेटवार्ता गर्ने अमेरिकी राष्ट्रपति ट्रम्प पहिलो विदेशी नेता बनेका हुन् ।
प्रतिक्रिया दिनुहोस