आज:  २०८० चैत्र १५, बिहिबार | Thu, 28, Mar, 2024
FLASH NEWS
Advertisement
SKIP THIS

हराइरहेको ४२ घण्टासम्म पनि पत्ता लागेन वायुसेनाको विमान

AuthorAP Khabar२०७६ जेष्ठ २२, बुधबार (४ साल अघि) ३६३ पाठक संख्या

२०७६ जेठ २२

हराइरहेको भारतीय वायुसेनाको विमान एएन–३२ लाई खोज्ने कोसिस जारी छ । ४२ घण्टा अघि एएन–३२ विमान ८ चालक दलसहित ६ व्यक्तिलाई लिएर असमका जोरहाटबाट अरुणाचल प्रदेशका लागि निस्किएको थियो । सोमबार दिउँदो १ बजेपछि विमानबाट सम्पर्क टुटेको थियो । ४२ घण्टा बितिसक्दा पनि विमानबारे केही जानकारी पाउन सकिएको छैन । खराब मौसमका कारण सर्च अपरेशनमा समस्या भइरहेको छ । सेटलाइट, स्पाई एयरक्राफ्ट, फायटर प्लेन, हेलिकोप्टर र सेनाका जवानले अहिले पनि खोजी कार्य जारी राखेका छन् ।

हराइरहेको विमान एएन–३२ मा आधुनिक एभियोनिक्स, रडार वा आपतकालीन लोकेटर ट्रान्समिटर (एएलटी) थिएन । विमानको अन्तिम लोकेशन अरुणाचल प्रदेशको पश्चिम सियांग जिल्लामा चिनियाँ सीमा नजिकै भेटिएको थियो । विमान यो लोकेशन वरिपरि नै हुनसक्ने अनुमान गरिएको छ ।

के प्रविधी र अपग्रेडको मारमा परेको हो विमान ?

यसैबीच, हराइरहेको विमान अपग्रेड नभएको पनि बताइएको छ । प्राविधिक गडबडीका कारण विमान आफ्नो बाटोबाट भड्किएको हुनसक्ने अनुमान गरिएको छ ।

तीन वर्षअघि पनि हराएको थियो विमानः

स्मरण रहोस्, तीन वर्ष अघि पनि सन् २०१६ मा यस्तै प्रकृतिको विमान (एएन–३२) बंगालको खाडीमाथिबाट हराएको थियो । तर अहिलेसम्म पनि त्यसबारे केही पत्ता लाग्न सकेको छैन ।

प्रतिक्रिया दिनुहोस