जेठ २६
काठमाडौं । नेपाली सेनाले तराई–मधेस द्रुतमार्गको आयोजना प्रमुखमा शरदलाल श्रेष्ठलाई जिम्मेवारी तोकेको छ ।
सैनिक मुख्यालयले आयोजना प्रमुखमा नेपाली सेनाका प्राविधिक महासेनानी शरदलाल श्रेष्ठलाई जिम्मेवारी तोकेको हो ।
सैनिक मुख्यालयका अनुसार आयोजना प्रमुखका रुपमा कार्यरत उपरथी योगेन्द्र खाँडको सट्टामा श्रेष्ठलाई ल्याएको छ । तर कारण भने बताइएको छैन ।
राष्ट्रिय गौरवका आयोजनामध्येको तराई–मधेस द्रुतमार्गको निर्माणको जिम्मा नेपाली सेनाले लिएको छ । नेपाली सेनाले आर्थिक वर्ष ०७८/७९ मा काम सक्ने लक्ष्यका साथ आयोजनाको काम अघि बढाइरहेको छ ।
प्रतिक्रिया दिनुहोस