आज:  २०८० चैत्र १५, बिहिबार | Thu, 28, Mar, 2024
FLASH NEWS
Advertisement
SKIP THIS

१७ बर्षपछि कालोपत्र थपिँदै भरतपुर विमानस्थलको धवनमार्गमा, असार १५ सम्म सकिने

AuthorAP Khabar२०७६ जेष्ठ २६, आईतबार (४ साल अघि) ३७७ पाठक संख्या

रत्ननगर, जेठ २६

बजेट अभावले लामो समयदेखि रोकिएको भरतपुर विमानस्थलको धवनमार्गमा कालोपत्र थप्ने काम शुरु भएको छ। नेपाल नागरिक उड्डयन प्रधिकरणले विमानस्थललाई ९ करोड रुपैयाँ उपलब्ध गराएकाले १७ वर्षपछि धवनमार्गमा कालोपत्र थप्ने काम ‘ओभरले’ गर्न थालिएको हो । भरतपुर विमानस्थलका प्रमुख पवनकुमार गौतमका अनुसार, सामान्यतया विमानस्थल निर्माण भएको सातदेखि १० वर्षभित्र कालोपत्र गर्नुपर्छ ।

प्राधिकरणले देशभरकै विमानस्थललाई मर्मत गर्दा बजेट र समय तालिका मिलाउनुपर्ने भएकाले कालेपत्रे गर्न ढिलाइ भएको उहाँले बताउनुभयो । गौतमका अनुसार गौरी पार्वती निर्माण सेवाले असारको १५ गतेसम्म धावनमार्गको काम सक्ने गरी काम अघि बढाएको छ । एक हजार २०० मिटर लम्बाइ रहेको यहाँको धावनमार्गमा ६ सेमी मोटाइको कालेपत्र गरिदैँछ । त्यस्तै निर्माण कम्पनीले कालोपत्रसहित, विमान तथा गाडी पार्किङ, ढललगायतको काम गर्नेछ।

धावनमार्ग कालोपत्र गर्ने भएपछि यहाँको उडान समय बिहान ९ः३० देखि बेलुका ३ बजेसम्म मात्र गरिएको छ । “मर्मतका समयमा उडान रोकेर काम गर्ने चलन छ”, उहाँले भन्नुभयो, “बिरामीलाई लक्षित गरेर बिहान बेलुकी काम गरेका छौं । कालोपत्रको क्रममा कुनै पनि दिन उडान रोक्दैनौँ।” भरतपुर विमानस्थलबाट एकतर्फी रुपमा औसत दैनिक पाँच सय यात्रुले यात्रा गर्दै आएका छन् । बुद्ध एयर, यति एयर र सिम्रिक एयरले नियमित उडान भर्दै आएका छन्।

प्रतिक्रिया दिनुहोस