अखिलेश कुमार यादव।
रौतहट असार ३०
लगातार ४ दिन देखि भएको बर्षाको कारणले गर्दा रौतहट आएको बाढीमा परि सोमबार सम्म रौतहटमा ९ जनाको मृत्यु भएको जिल्ला प्रहरी कार्यालय रौतहटले जनाएको छ । एक जना अहिले सम्म बाढीमा परि बेपत्ता भएको र खोजतलाश कार्य जारि रहेको प्रहरी कार्यालय रौतहटले जनाएको छ । भारतीय बाध तिते पछि पानीको सतह सतह घट्दै गएपछि विभिन्न स्थानमा मृतकको शव भेटिन थालेको छ ।
जिल्ला प्रहरी कार्यालय रौतहटका अनुसार बाढीको कारण ६ जना पुरुष, एक जना महिला र दुई बालकको मृत्यु भएको छ । गत शनिबारदेखि हराइरहेका राजपुर नगरपालिका—१ का २५ वर्षीय सोनालाल साहको शव सोमबार बिहान गौर भन्सार एरियामा फेला परेको जिल्ला प्रहरी प्रवक्ता डिएसपी नविन कार्कीले बताए ।
प्रतिक्रिया दिनुहोस