AP Khabar२०७६ श्रावण १६, बिहिबार (४ साल अघि)
६०५ पाठक संख्या बीरगञ्ज, साउन १६ गते— भारतको महावाणिज्य दूतावास वीरगञ्ज कार्यालयको नामबाट परमिट र नगदी रसिद बनाएर कारोबार गर्ने एकजना पक्राउ परेकोछ ।
ना.३ ख ९५८६ नम्बरका बस चालक विनोद कुमार चौधरीलाई पक्राउ गरी प्रहरीमा बुझाइएको छ ।धनुषा जिल्लाको बेंगाशिवपुर ४ बस्ने चौधरीलाई आवश्यक अनुसन्धानका लागि पक्राउ गरिएको हो ।
सर्लाही जिल्लाको धनगढा ८ बस्ने रोशन कुमार अधिकारीको नाउँमा दर्ता रहेको सन् २००९ मोडेलको टाटाबसको महावाणिज्य दूतावास वीरगञ्जले जारी गरेको परमिटको म्याद सन् २०१८ को जुलाई ३० तारेखमा समाप्त भएको हो ।
तर त्यसपछि नक्कली परमिट र नगदी रसिद बनाएर प्रयोगगर्दै आएको खुलेको वाणिज्य दूतावासले जनाएको छ ।
वाणिज्य दूतावास कार्यालयले घटनाको गंभीरतापूर्वक अनुसन्धान गरी अन्यहरुको संलग्नताबारे समेत छानविन गर्न आग्रह गरेको छ । नक्कली परमिट र नक्कली रसिद फेला परेपछि अन्य प्रयोगकर्ताहरुपनि हुन सक्ने संभावना बढेकोछ ।
प्रतिक्रिया दिनुहोस