AP डेस्क
जीतपुर, मंसिर २६ : शिक्षा, विज्ञान तथा प्रविधि मन्त्री गिरीराजमणि पोखरेलले बालविकासका सहयोगि कार्यकर्तालाई शिक्षाको आठाँै संसोधनले शिक्षा प्रणलीमा ल्याउने निर्णय भएको र अब त्यसलाई कार्यन्वयन गर्ने कुरामा जोड दिनुभएको छ । बाराको सिमरामा संचारकर्मिसंगको कुराकानिमा उहाँले विद्यार्थीको जड भनेको बालविकास नै भएको बताउदै बालविकासका सहयोगि कार्यकर्तालाई शिक्षा प्रणलीमा ल्याउने जानकारी गराउनुभएको छ ।
उहाँले नेपालमा हिजोको दिनमा सामन्तबादलाई समापत पार्न स्वतः रुपमा स्थानियहरुद्धारा चन्दा संकलन गरेर, महायज्ञ लगाएर विद्यालय संचालनमा आएको र यसले मात्रात्मक विकास मात्र भएको बताउदै आब मात्रात्मक भन्दा गुणात्मक विकास गर्ने काम सरकारको प्राथमिक्तामा रहेको बताउनुभयो ।
शिक्षा मन्त्रि पोखरेलले अबको दुई वर्ष भित्रै मुलकलाई पूर्ण साक्षरता घोषणा गर्ने लक्ष्यका साथ सरकार अघि बढीरहेको समेत बताउनुभएको छ । उहाँले फागुन २ गते भित्र शिक्षा ऐन ल्याउने र अबको दुई वर्ष भित्र मुलुकलाई पूर्ण साक्षरता घोषणा गर्ने लक्ष्यका साथ सरकार अघि बढीरहेको बताउनुभएको हो ।
उहाँले ७ सय ५७ स्थानिय तह मध्ये आधि स्थानिय तहले सरकारको न्यूनतम लक्ष्य प्राप्त गरि सकेको र ४७ जिल्ला मध्ये ३० जिल्लालाई लक्षित साक्षरता अभियान तिब्र रुपमा अगाडी बढेको बताउनुभएको छ । उहाँले विश्व प्राविधिक विकासको कोणबाट चौथो चरणमा पुगेको यस समयमा विश्वको प्राविधिसंगै अगाडी बढन् ३ महिना भित्र विज्ञान र प्रविधि सम्बन्धि निती बनाउन डा. दिनेश भुजुको नेतृत्वमा एउटा टोली गठन गरीएको जानकारी दिनुभएको छ ।
यस वर्षको शिक्षा दिवसमा सार्वजनिक शिक्षा, प्राविधिक शिक्षा, विद्यार्थी अभियान, एउटा शैक्षिक संसथा एउटा बगैचा र बृहत हरियाली अभियान र उच्च शिक्षाको लक्ष्य ज्ञानमा आधारीत हुनुपर्ने पाँच ओटा योजना सार्वजनिक गरेको जानकारी दिदै उहाँले यस लक्ष्य प्राप्तिका लागि आफुले योजनाबद्ध रुपमा काम अगाडी बढाएको बताउनुभयो ।
प्रतिक्रिया दिनुहोस