प्रदेश–२ को नाम र स्थायी राजधानी तोक्ने प्रक्रिया सुरु, यस्तो छ प्रस्ताव

AP Khabar२०७६ भाद्र ७, शनिबार (४ साल अघि) ३३४ पाठक संख्या

जनकपुरधाम, भदौ ५ : प्रदेश नम्बर–२ को प्रदेशसभा सचिवालयमा प्रदेशको नाम र स्थायी राजधानी तोक्न प्रस्ताव दर्ता गरिएको छ । प्रदेशसभा सचिवालयमा दलहरुले नाम र स्थायी राजधानी तोक्न बिहीबार प्रस्ताव दर्ता गराएसँगै प्रक्रिया अगाडि बढेको हो ।राजधानीमा जनकपुरधामलाई तोक्न सबै दलका तर्फबाट समान प्रस्ताव आएपनि नामाकरणमा भने फरक–फरक प्रस्ताव दर्ता भएको छ ।

सत्तारुढ दल समाजवादी पार्टी र राजपाले प्रदेशको नाम ‘मिथिला’ हुनुपर्ने भनेका छन् ।यस्तै, नेपाली कांग्रेसले पनि प्रदेशको स्थायी राजधानी जनकपुरधाम र प्रदेशको नाम ‘मिथिला–भोजपुरा’ हुनुपर्ने प्रस्ताव दर्ता गराएको छ ।प्रदेशको प्रमुख प्रतिपक्ष दल नेकपाले प्रदेशको नाम ‘जानकी’ प्रस्ताव गरेको छ ।नामाकरण प्रस्ताव र संशोधन प्रस्ताव अध्ययन गरी सरोकारवालाहरुसँग छलफल गरी सभामा प्रतिवेदन पेस गर्न एक विशेष संसदीय समिति बनाइनेछ । समितिले एक महिनाभित्र प्रतिवेदन प्रदेशसभामा पेस गर्नुपर्नेछ ।प्रदेशसभामा पेस हुने प्रस्तावउपर गोप्य मतदान हुनेछ । मतदानपछि प्रस्तावको पक्षमा दुइतिहाइ मत आए प्रस्ताव पारित हुनेछ ।

इमेजखबर;