AP Khabar२०७६ भाद्र १५, आईतबार (४ साल अघि)
३८१ पाठक संख्या एपी खबर
जीतपुर, भाद्र १५ : बाराको जीतपुरमा सोमवारबाट शुरु हुने श्री सिद्धि विनायक (गणेश चतुर्थी पुजा) को सम्पुर्ण तैयारी पुरा भएको आयोजक समितिले जनाएको छ । ५ दिनसम्म हुने यो पुजा भाद्र १६ गतेदेखि भाद्र २१ गते हुने श्री सिद्धि विनायक पुजा समिति जीतपुरले जनाएको छ ।
प्रत्येक वर्ष हुदैँ आएको यस पुजालाई जीतपुर बासिले यस वर्षपनि धुमधामका साथ मनाउने गरी यो पुजाको आयोजना गर्न लागेको श्री सिद्धि विनायक पुजा समितिका अध्यक्ष श्रीराम साहले जानकारी दिनुभएको छ ।
पुजा अन्तरगत शुरुको दिन भाद्र १६ गते बिहान बाजागाजाका साथ नगरपरिक्रमा गर्ने, प्रत्येक दिन बिहान ८ बजेदेखि बेलुका ९ सम्म पुजा अर्चना गरीने, प्रत्येक शनिवार साँझ ६ बजेदेखि ७ बजेसम्म आरती गरीने, राती ८ बजेदेखि १२ बजे सम्म प्रवचन गरीने, भाद्र २० गते शुक्रवार बिहान १० बजे आरती गर्ने र २१ गते मुर्ती विसर्जन कार्यक्रम रहेको साहले जानकारी दिनुभयो ।
यस पुजाको विशेष आकर्षणको रुपमा गणेशजी लाई मन पर्ने २ सय ५० किलोको लड्डु राखिएको छ । भने ५ दिनसम्म पुजा स्थलमा मेलापनि लाग्ने आयोजक समितिले जानकाएको छ । मेलामा रोटे पिङ्ग, झुलुवा, मौतका कुवा लगाएत विभिन्न समाग्री विक्री वितरण गर्ने स्टलहरु राखिएको आयोजक समितिका कोषाध्यक्ष जितेन्द्र साह समर्पणले जानकारी दिनुभयो ।
प्रतिक्रिया दिनुहोस