एपी खबर
जीतपुर, अशोज १२ : बाराको जीतपुर लगाएत देशैभरी आईतवारबाट दशैँको रौनक छाएको छ । आईतवार दशैँको पहिलो दिन घरघरमा जमरा राखेर नेपालीहरुले आफ्नो महान पर्व दशैँको शुरुवात गरेका छन् । यसैक्रममा बाराको जीतपुरसिमरा उपमहानगरपालिका वडा नम्बर ७ को जीतपुर, वडा नम्बर २ सिमरा लगाएत विभिन्न स्थानमा सामुहिक मुर्ती बनाएर माता दुर्गाको पुजा आराधना शुरु गरीएको छ ।
नौ दिनसम्म चल्ने यस पुजाको पहिलो दिन जीतपुर पुजा स्थलबाट निकालीयको शोभा यात्राले बकुलिया र अमाडारको बिचमा रहेको दुधौरा खोलाको जल संकलन गरी ल्याए पश्चात पुजा शुरु गरीएको छ । यस पुजामा बस्ने ब्यक्तिले नौ दिनसम्म कतिले निराहार र कतिले फलहारी बर्त राख्ने चलन रहेको छ । नौ दिनसम्म चल्ने यस पुजालाई नौ रात्रापनि भन्ने चलन रहेको छ । जीतपुरमा शुरु गरीएको यस पुजामा मुख्य संजय विश्वकर्मा नेतृत्वमा ६० जनाले सामुहिक पुजा गर्ने पुजा समितिका संयोजक संतोष साहले जानकारी दिनुभयो ।
परिवार र समाजमा आउने बाधा ब्यवधानहरुबाट बच्नुका साथै सुस्वास्थ्य र दिर्घायुको कामना गर्दै आयोजना गरीएको यस सामुहिक पुजाको पहिलो दिन आईतबार बिहान पूजा समितिका अध्यक्ष श्री सन्तोस साहको अध्यक्षतामा पूजा स्थलबाट निकालिएको शोभा यात्रामा घोडा र बाजागाजाका साथ उपमहानगरको जीतपुर स्थित मुख्य सड्क हुँदै जीतपुरसिमरा उपहानगरपालीकामा रहेको दुधौरा खोलामा पुगि भक्तहरुले जाल बोझी बिभिन्न स्थानहरुको परिक्रमा गरि पुनः पूजा स्थलमा फर्किएको थियो ।
शोभा यात्रामा विभिन्न स्थानबाट आएको भक्तजनहरुको उल्लेख्य सहभागीता रहेको थियो ।
प्रतिक्रिया दिनुहोस