श्रोत नखुलेको ३५ लाख ५० हजार नगदसहित दुई जना बारा प्रहरीको नियन्त्रणमा

AP Khabar२०७६ मंसिर ३, मंगलबार (४ साल अघि) २८७ पाठक संख्या

बारा मङ्सिर ०३ : बारा प्रहरीले श्रोत नखुलेको ३५ लाख ५० हजार नगदसहित दुईजनालाई पक्राउ गरेको छ ।

पचरौता नगरपालिका वडा नम्बर ८ लंगडा चोकबाट बाराकै सिम्रौनगढ नगरपालिका वडा नम्बर ७ झवानीका २२ वर्षीय राजन कुमार दुबे र २३ वर्षीय सुनिल महतो नुनियालाई पक्राउ गरेको जिल्ला प्रहरी कार्यलयले जनाएको छ ।

जिल्ला प्रहरी कार्यालयबाट खटिएको प्रहरी टोलीले सिम्रौनगढबाट कलैयातर्फ आउँँदै गरेको ना २६ प १६४९ नम्बरको मोटरसाइकल चेकजाँच गर्ने क्रममा मोटरसाइकलमा सवार उनीहरुलाई उक्त नगदसहित फेला पारी नियन्त्रणमा लिएको बाराका प्रहरी प्रबक्ता रञ्जितसिंह राठोरले जानकारी दिए ।

पक्राउ परेका दुबैलाई जिल्ला प्रहरीको हिरासतमा राखि आवश्यक अनुसन्धान भैरहेको प्रहरीले बताएको छ ।