अखिलेश कुमार यादव।रौतहट मङ्सिर ०३ :
रौतहटमा मोटरसाइकल ट्रयाक्टरसँग ठोक्किँदा मंगलबार साँझ चालकको घटनास्थलमै ज्यान गएको छ ।
पूर्व पश्चिम राजमार्गको लमाहा नजिकै रहेको लच्का छेउमा ट्रयाक्टरसँग मोटरसाइकल ठोक्किँदा मोटरसाइकलमा आगलागी भएको र आगलागी बाट मोटरसाइकल जल्दा नम्बर पलेट खुल्न सकेको छैन। निजगढबाट चन्द्रपुर आउँदै गरेको ज १ त ३८५७ नम्बरको ट्रयाक्टरमा मोटरसाइकल ठोक्किएको थियो ।
दुर्घटनामा ज्यान गुमाउने चालकको परिचय खुल्न सकेको छैन । घटनास्थलमा प्रहरी पुगेर आगो निभाएको छ । मोटरसाइकल सडक बाट तल झरेर पुर्णरुपमा जलेका कारण मोटरसाइकल नम्बर पनि पत्ता नलागेको प्रहरीले जनाएको छ । घटनाको पूर्ण विवरण आइसकेको छैन ।
प्रतिक्रिया दिनुहोस