मङ्सिर ०४ काठमाडौं ।
सत्तारूढ दल नेपाल कम्युनिष्ट पार्टी (नेकपा) को सचिवालय बैठक आज (बुधबार) बस्दैछ । बैठक प्रधानमन्त्री निवास बालुवाटारमा मध्यान्न साढे १२ बजे बाेलाइएकाे प्रवक्ता नारायणकाजी श्रेष्ठले जानकारी दिनुभएको छ ।
बैठकमा पार्टीका सांगठनिक गतिविधि विस्तार तथा विधान संशोधनका विषयहरु मुख्य एजेण्डा रहेको प्रवक्ता श्रेष्ठले बताउनुभयो । बैठकमा निकै लामो समयदेखि बस्न नसकेको नेकपाको स्थायी कमिटी बैठक बोलाउने विषयमा पनि छलफल हुने बताइएको छ ।
प्रधानमन्त्री केपी शर्मा ओलीले मन्त्रीहरु हेरफेर गर्न लागेको विषयमा समेत बैठकमा छलफल हुने र त्यसपछि मात्रै निर्णय बाहिर आउनसक्ने पनि आंकलन गरिएको छ । प्रवक्ता श्रेष्ठले भने बैठककाे औपचारिक एजेण्डामा सरकारका मन्त्री हेरफेरकाे विषय नरहेको बताउनुभएको छ ।
प्रतिक्रिया दिनुहोस