AP Khabar२०७५ पौष ६, शुक्रबार (५ साल अघि)
६८६ पाठक संख्या काठमाडौं , पुस ६ : हामीले गाडीमा प्रयोग गर्ने टायर धेरैजसो कालो हुन्छ । टायर रबरबाट बन्छ । रबर कालो हुँदैन । तर टायर किन कालो हुन्छ भन्ने बारेमा कौतुहल लाग्नु स्वाभाविक पनि हो ।
टायर बनाउने प्रक्रियालाई भल्कनाइजेसन भनिन्छ । टायर निर्माण प्रक्रियामा रबरसँग कालो कार्बन मिसाइन्छ । साधारण रबरयुक्त टायर १० हजार किलोमिटर चल्छ भने कार्बनयुक्त टायर करिब १ लाख किलोमिटर चल्न सक्छ ।
यति मात्र होइन, साधारण टायर भयो भने यो सडकमा घिस्रिने र छिटो बिग्रिने सम्भावना बढी हुन्छ । कार्बन र सल्फरको कारण यो घिसिने सम्भावना पनि कम हुन्छ र लामो समय चल्छ ।
कार्बन पनि विभिन्न प्रकारका हुन्छन् । त्यसैले रबर अनुसारको कार्बन टायरका लागि प्रयोग गर्नु पर्छ । टायरमा कार्बन प्रयोग गरिएका कारण यसले सूर्यको अल्ट्राभ्वाइलेट किरणबाट पनि बचाउँछ ।कार्बन प्रयोग भएकाले टायर घिस्रिएमा पनि कालो धुँवा निस्कन्छ ।
यद्यपि केटाकेटीको साइकल र अन्य केही सवारी साधनमा प्रयोग गरिएको टायर भने कालो हुँदैन । यी टायरमा कार्बन प्रयोग गरिएको हुँदैन र यसका कारण यी टायर लामो समय टिक्दैनन् ।
यस्ता टायरलाई निम्न कोटीको टायर भनिन्छ । यसरी रबरमा कार्बन र सल्फरको प्रयोग गरिएका कारण टायरको रङ पनि कालो भएको हो ।
जनता समाचार
प्रतिक्रिया दिनुहोस