AP Khabar२०७६ पौष ११, शुक्रबार (४ साल अघि)
३६२ पाठक संख्या पौष ११ काठमाडौँ, बिग ब्यास लिग (बीबीएल) मा नेपालका लेग स्पिनर सन्दीप लामिछाने आबद्ध टिम मेलबर्न स्टार्सले पहिलो हार ब्यहोरेको छ।
शुक्रबार भएको आफ्नो तेस्रो खेलमा मेलबर्न एडलाइड स्ट्राइकर्ससँग ५ रनको झिँनो अन्तरले पराजित भएको हो। स्ट्राइकरले दिएको १७५ रनको लक्ष्य पछ्याएको मेलबर्नले ६ विकेट गुमाउँदै १६९ रन मात्रै बनाउन सक्यो । जितसँगै, स्ट्राइकर तीन खेलबाट पाँच अंक जोडेको छ ।
समान तीन खेल खेलेको मेलबर्नको यो पहिलो हार हो । यसअघि मेलबर्नले होबर्ट हुरिकेन्सलाई ५२ र ब्रिसबेन हिटलाई २२ रनले पराजित गरेको थियो।
स्ट्राइकर विरुद्ध सन्दीपले एक विकेट लिए । तीन ओभर बलिङ गरेका सन्दीपले १५ रन दिएका थिए ।
प्रतिक्रिया दिनुहोस