AP Khabar२०७६ पौष १२, शनिबार (४ साल अघि)
४६६ पाठक संख्या पौष १२ काठमाडौं ।
सधैं खानेकुरा खानु मात्रै पनि स्वास्थ्यको लागि राम्रो हुँदैन । कहिलेकाही भोको बस्दा शरीरलाई फाइदा पुग्ने चिकित्सकहरु बताउँछन् । यसकारण हप्तामा एक दिन हामी भोकै बस्न सक्छौं । उपयुक्त समय निकालेर एकदिन भोको पेट बस्दा शरीरको आन्तरिक शुद्धिकरण हुन्छ ।
चिकित्सकहरुकाअनुसार यस्तो गरेमा शरीरमा रहेको विषाक्त तत्व बाहिर निस्किएर शरीर स्वस्थ्य हुन्छ ।
यस्ता छन् फाइदा
पेटको रोगबाट मुक्ति
हामीलाई कुनै न कुनै किसिमको पेटको रोगले सताएको हुन्छ । सधैं खाना खाएमा वा चिल्लो, अमिलोले पेट फुलिन्छ । अपच हुन्छ । धेरै खानेकुरा खाएमा पखला समेत लाग्छ । खाना नखाएमा ग्याष्ट्रिकले सताउन थाल्छ । तर, हप्तामा एकपटक भोकै बस्दा अपच, ग्याष्ट्रिक, कब्जियत, पखला, एसिडिटी, जलन आदिको समस्याबाट मुक्ती पाइन्छ ।
उच्च रक्तचाप र कोलेस्ट्रोलमा फाइदा
हप्तामा एक दिन खालिपेट बस्दा अधिकांश दीर्घ रोगमा पनि लाभ मिल्छ । खासगरी उच्च रक्तचाप नियन्त्रणमा सघाउ पुग्छ । यसका साथै कोलेस्ट्रोलको स्तर पनि घट्छ ।
मुटुलाई फाइदा
हप्तामा एक दिन भोकै बस्दा मुटुको समस्यामा पनि लाभ पुग्ने चिकित्सकहरु बताउँछन् । किनिकि बस्दा कोलेस्ट्रोलको स्तर घट्छ । कोलेस्ट्रोल नै हृदय रोगको जड हो ।
प्रतिक्रिया दिनुहोस