AP Khabar२०७६ माघ ५, आईतबार (४ साल अघि)
३४६ पाठक संख्या माघ ०५ काठमाडौँ,
क्रिकेटसम्बन्धी अनलाइन ईएसपिएन क्रिकइन्फोको वार्षिक अवार्डमा एसोसिएटतर्फ यस पटक नेपालका कुनै खेलाडी मनोनयनमा परेका छैनन् ।
नेपालले २०१९ मा सिंगापुर र ओमानमा दुई टी २० सिरिज खेलेको थियो । तर टी २० विश्वकप छनोट एसियन क्षेत्रबाट अघि बढ्न नसकेको नेपालले युएईमा ग्लोबल टि २० विश्वकप छनोट खेल्न पाएन ।
केही नेपाली खेलाडीले राम्रो प्रदर्शन गरे पनि एसोसिएटतर्फको मनोनयनमा नेपाली खेलाडी पर्न सकेनन् ।
अहिले विश्वकप लिग २ क्रिकेट भइहेको छ र त्यसमा उत्कृष्ट प्रदर्शन गर्ने खेलाडीहरू नै मनोनयनमा परेका छन् । नेपालले भने लिग २ मा अझै खेलेको छैन ।
अर्को महिना नेपालले घरेलु मैदानमा ओमान र अमेरिका सहभागी त्रिकोणात्मक सिरिज खेल्नेछ ।
एसोसिएटको ब्याटिङतर्फ स्कटल्यान्डका जर्ज मुन्से, पपुवा न्युगिनीका नर्मन भानुअ, नामिबियाका जेपी कोत्जे र ओमानका जतिन्दर सिंह छन् ।
यस्तै बलिङतर्फ अमेरिकाका अली खान, पपुवा न्यु गिनीका नोसाईना पोकना, स्कटल्यान्डका हमजा ताहिर हङकङका रोहन मुस्ताफा र ओमानका विलाल खान छन् ।
प्रतिक्रिया दिनुहोस