माघ १० कलैया : बारा जिल्ललाको कलैया उपमहानगरपालिका वडा नम्बर २५ लक्ष्मीनियामा सवारी दुर्घटना हुँदा एक जनाको ज्यान गएको छ ।
कलैयाबाट बरियारपुर जाँदै गरेको ना २ क ३०८ नम्बरको ट्रकले बरियारपुरबाट कलैया आउँदै गरेको ना ३५ प ५११२ नम्बरको मोटरसाईकललाई ठक्कर दिँदा मोटरसाईकल चालक महागढिमाई नगरपालिका वडा नम्बर ६ को पत्रहटीका २८ बर्षीय सन्तोष यादबको मृत्यु भएको जिल्लाका प्रहरी कार्यालयका प्रवक्ता, प्रहरी नायब उपरिक्षक गौतम मिश्रले जानकारी दिए ।
सोही दुर्घटनामा परी मोटरसाईकलको पछाडी सवार मृतकका भान्जा पर्ने १८ वर्षका पवन यादबर गम्भिर घाईते भएको र उनको वीरगञ्जस्थित न्युरो अस्पतालमा उपचार भैरहेको उनले जानकारी दिए ।
दुर्घटनामा गम्भिर घाईते भएका दुबैलाई उपचारार्थ वीरगञ्ज लगीएकोमा न्युरो अस्पतालमा उपचारकै क्रममा सन्तोषको ज्यान गएको उनले बताए ।
प्रहरी प्रबक्ता मिश्रका अनुसार ठक्कर दिने ट्रक र सो का चलकलाई नियन्त्रणमा राखी प्रहरीले आवश्यक अनुसन्धान गरीरहेको छ ।
प्रतिक्रिया दिनुहोस