माघ १४ पर्वत ।
दाउरा काट्ने क्रममा मुडाले च्यापीएर एक जनाको मृत्यु भएको छ । फलेवास नगरपालिका–८ ठानामौलाकी ५५ वर्षीय पुतली विकको सोमबार साँझ मत्यु भएको हो ।
घर नजिक उत्तिसको दाउरा काट्ने क्रममा अचानक मुडा पल्टिएर च्याप्दा विक घाइते भएकी थिइन् । घाइते उनको उपचारको लागि जिल्ला अस्पताल पर्वत पुर्याउँदा चिकित्सकले मृत घोषणा गरेका हुन् ।
विकको शव जिल्ला अस्पताल पर्वतको शव गृहमा राखिएको र मंगलबार पोस्टमार्टम गरी आफन्तकाे जिम्मा लगाउने जिल्ला प्रहरी कार्यालय पर्वतका प्रमुख श्यामु अर्यालले बताउनुभयो ।
प्रतिक्रिया दिनुहोस