AP Khabar२०७६ माघ २३, बिहिबार (४ साल अघि)
९६९ पाठक संख्या माघ २३ काठमाडौँ,
कलंकीको अन्डरपासमा टिपरले मोटरसाइकललाई ठक्कर दिँदा दुई जनाको मृत्यु भएको छ । बल्खुबाट स्वयम्भुतिर जाँदै गरेको प्रदेश २ ०३००४ प ५५० नम्बरको मोटरसाइकल र विपरित दिशाबाट आइरहेको टिपर बुधबार राति अन्डरपासमा ठोकिएका हुन् ।
ट्राफिक प्रहरी कार्यालय कलंकीका निरीक्षक पुरूषोत्तम कार्कीका अनुसार टिपरको ठक्करबाट मोटरसाइकलका चालक रौतहट कटहरिया गाउँपालिका ४ का १९ वर्षीय राजेशकुमार चौधरी र पछाडि बसेका कटहरिया ७ का २४ वर्षीय मुन्ना चौधरी घाइते भएका थिए ।
उनीहरूको उपचारका क्रममा त्रिवि शिक्षण अस्पताल महाराजगञ्जमा राति पौने २ बजे मृत्यु भएको हो । मोटरसाइकललाई ठक्कर दिने टिपरको प्रहरीले खोजी गरिरहेको छ।
प्रतिक्रिया दिनुहोस