४० स्थान गन्दा आम आदमी ३७, भाजपा ३, कंग्रेस क्लीनस्वीप

सरकार गठनका लागि ३६ सिट पर्याप्त छ । अझै २५ स्थानमा आपले अग्रता हासिल गरेको भारतीय निर्वाचन आयोगले जनाएको छ । ७० सदस्यीय विधानसभाका लागि गत शनिबार मतदान भएको थियो ।

आपले २०१५ को निर्वाचनमा ६७ सिट जितेको थियो । त्यतिबेला ३ स्थानमा जितेको भारतीय जनता पार्टी (भाजपा)ले गत निर्वाचनको तुलनामा केही सुधार गरेको छ ।

भाजपाले ३ सिट जितिसकेको छ भने ५ स्थानमा अग्रता लिएको छ । विधानसभामा एक जना पनि सदस्य नरहेको भारतीय नेसनल कंग्रेसले यसपटक पनि खाता नखोल्ने निश्चित जस्तै देखिएको छ ।