AP Khabar२०७६ फागुन १, बिहिबार (४ साल अघि)
२८८ पाठक संख्या फाल्गुन ०१ धनुषा ।
नेत्रविक्रम चन्द नेतृत्व (विप्लव) समूहका प्रदेश कमिटी व्यूरो सदस्य इन्दल साह पक्राउ परेका छन् । सुरुङ्गा नगरपालिका–६ बाट साहस भनिने नेता साहलाई बिहीबार प्रहरीले बिहीबार पक्राउ गरेको हो ।
हत्या, ज्यान मार्ने उद्योग, बम विष्फोट, सङ्गठित अपराधलगायतका घटनामा प्रहरीको मोस्टवाण्टेड सूचीमा रहेका साहलाई चन्दा सङ्कलनका लागि सप्तरीको सुरुङ्गा आएको बेला पक्राउ गरिएको जिल्ला प्रहरी कार्यालय सप्तरीले जनाएको छ ।
धनुषाको क्षिरेश्वरनाथ नगरपालिका–५ महेन्द्रनगरस्थित राजेश साहको घरमा मङ्सिर २७ गते राति भएको बम बिष्फोटलगायतको घटनाका मुख्य योजनाकारका रुपमा साह प्रहरीको मोस्टवान्टेड सूचीमा थिए ।
बम विस्फोटमा परी इलाका प्रहरी कार्यालय महेन्द्रनगरमा कार्यरत प्रहरी निरीक्षक अमिरकुमार दाहाल, घरधनी राजेश साह र निजका छोरा आनन्दकुमार साहको मृत्यु भएको थियो ।
प्रतिक्रिया दिनुहोस