फाल्गुन ०३ काठमाडौं ।
सरकारले कोरोना प्रभावित क्षेत्र चीनको हुवेईस्थित वुहानमा रहेका नेपाली नागरिकको उद्धारका लागि आज वाईडबडी विमान त्यसतर्फ पठाईदै छ ।
उद्धारका लागि शनिबार दिउँसो ३ बजे नेपाल एयरलाइन्सको जहाज हुवेईका लागि उडान गर्ने र आइतबार बिहान २ बजे काठमाडौं आईपुग्ने तालिका बनाईएको छ । यस सँगै लामो समयदेखि वुहानमा त्रासमा रहेका नेपालीहरुले राहत महसुस गर्नेछन् ।
उद्धारका लागि क्रु मेम्बर र चिकित्सकसहित १७ जनाको टोली खटिने बताइएको छ ।
वाइडबडी मार्फत १ सय ८० जना नेपालीलाई नेपाल ल्याउन लागिएको हो । टोलीमा ३ जना पाइलट र ३ जना क्रु मेम्बर रहनेछन् । त्यस्तै १ इन्जिनियर १ प्राविधिक र १ डिस्पास्चर रहनेछन् ।
टोलीमा ४ नेपाली सेनाका चिकित्सकसमेत रहने स्वास्थ्य तथा जनसंख्या मन्त्रनलयले जनाएको छ । संक्रमित भएको शंका लागेका यात्रुहरुलाई जहाजको पछाडिको ढोकाबाट बाहिर ल्याइनेछ ।
त्यसैगरि संक्रमित नभएका यात्रुहरुलाई जहाजको अघिल्लो ढोकाबाट बाहिर ल्याइने व्यवस्था मिलाइएको छ ।
जहाजबाट उत्रँदा क्रमस एक आपसमा एक मिटरको दूरी कायम गर्नुपर्नेछ । काठमाडौं विमानस्थलमा पाँच ओटा स्क्रिनिङ डेस्कको व्यवस्था मिलाइएको छ ।
संक्रमणको आशंका गरिएका व्यक्तिीलाई शुक्रराज ट्रपिकल वा सरुवारोग अस्पताल,पाटन अस्पताल,सशस्त्र अस्पतालमध्ये कुनै एक अस्पतालको आइसोलेनि वार्डमा राखिनेछ ।
संक्रमण नभएका यात्रुहरुलाई क्वारेन्टनइन स्थान खरिपाटीमा लगिनेछ । आजको राजधानी दैनिकमा प्रकाशित छ ।
प्रतिक्रिया दिनुहोस