फाल्गुन ०४ गते।
सल्यानमा एक किशोरीको घाँटी रेटेर हत्या भएको छ । त्रिवेणी गाउँपालिका- १ तल्लो काभ्राकी करिब १७ वर्षीया कविता बोहराको गत शुक्रबार हत्या भएको हो ।
सल्यानका प्रहरी प्रमुख डिएसपी ढकेन्द्र खतिवडाले उनको घाँटीको स्वासनली काटेर हत्या भएको जानकारी दिएका छन् । उनको शव घरभन्दा करिब १०/१५ मिटर टाढा गाईवस्तु सार्ने ठाउँमा फेला परेको थियो ।
‘अगाडिबाट घाँटी काटेको अवस्थामा उनको शव फेला परेको छ,’ डिएसपी खतिवडाले भने।
अभिभावकका अनुसार शुक्रबार राति ९ बजेसम्म कविता कोठमा एक्लै पढिरहेकी थिइन । घरका अन्य सदस्य सुतेपछि कविता बाहिर निस्केको हुनसक्ने र त्यही समयमा घाँटी रेटर हत्या भएको देखिन आएको डिएसपी खतिवडाले बताए ।
रातको एक बजेतिर कविताका भतिजा बिरामी भएर वान्ता गर्न थालेपछि कविताको खोजी सुरु भएको थियो ।
घटनाबारे अनुसन्धान जारी रहेको डिएसपी खतिवडाले जानकारी दिए ।
प्रतिक्रिया दिनुहोस