AP Khabar२०७६ फागुन ५, सोमबार (४ साल अघि)
४३२ पाठक संख्या फाल्गुन ०५ काठमाडौं । भृकुटीमण्डपस्थित रत्नराज्य लक्ष्मी क्याम्पसमा विद्यार्थीबीच झडप भएको छ । नेपाल कम्युनिष्ट पार्टी नेकपाको भातृ संगठन अनेरास्ववियू र कांग्रेस भातृ संगठन नेपाल विद्यार्थी संघबीच सोमबार बिहान झडप भएको हो ।
आसन्न स्ववियु निर्वाचनका विषयमा विवाद हुँदा झडप भएको बताइएको छ । नेविसंघले आफ्ना विद्यार्थीमाथि कुटपिट भएको आरोप लगाएको छ ।
नेविसंघले आविष्कार पौडेल, कुशल बस्नेत र सुमन खड्कामाथि कुटपिट भएको बताएकाे छ भने अनेरास्ववियुका सङ्गम देवकोटा, मुकेश कुँवर, धर्म न्यौपानेलगायत घाइते भएका छन् ।
उनीहरुलाई प्रहरीले पक्राउ गरेको छ । नेविसंघका पुस्कर बास्तोला, संजीव ढकाल, सुनिल शर्मा, रामजी बस्नेत, उमेश गुरुङ, विपु खड्कालाई पनि नियन्त्रणमा लिएको छ । पक्राउ परेका विद्यार्थीलाई पुलिस क्लवमा राखिएको छ ।
प्रतिक्रिया दिनुहोस