AP Khabar२०७६ फागुन १६, शुक्रबार (४ साल अघि)
४४५ पाठक संख्या फाल्गुन १६ दैलेख ।
श्रीस्थान, नाभीस्थान, पादुकालगायतका क्षेत्रमा पेट्रोलियम अन्वेषणकाे लागि खनिएका १० वटा लाइनको सिस्मिक सर्वेक्षण सकिएको छ ।
अन्वेषणका लागि खनिएका ३ वटा पूर्वपश्चिम र ७ वटा उत्तरदक्षिण दिशाका १० वटा लाइनमा यस्तो सर्वेक्षण गरिएको हो ।
खानी तथा भूगर्भ विभागका भूगर्भविद डा.गणेशनाथ त्रिपाठीका अनुसार माघको दोस्रो साताभित्र सर्वेक्षण सम्पन्न गर्ने भनिए पनि वर्षाका कारण काम प्रभावित भएपछि फागुनको पहिलो साता मात्र काम सकिएको हो ।
चिनियाँ प्राविधिक टोलीले संकलन गरेको स्रोत र चट्टानको नमूना परीक्षणबाट उत्साहजनक नतिजा प्राप्त भएको चिनियाँ प्राविधिक टोलीले आफूलाई जानकारी गराएको र जमिनमुनि पेट्रोलियम पदार्थ थुनेर राख्न सक्ने संरचना हुन सक्ने यथेष्ट प्रमाण अन्वेषणबाट देखिएको त्रिपाठीको भनाइ छ ।
सर्वेक्षण सकिएपछि प्राविधिक टोली चीन फर्कने र त्यसको नतिजा आउनासाथ मुख्य काम शुरू गरिनेछ । अन्वेषणात्मक ड्रिलिङबाट पेट्रोलियम रहेकाे पुष्टि भएमा भण्डारको आर्थिक विश्लेषण अन्तर्गत भण्डारको आकार , प्रकार र आयतन , व्यापारिक रुपमा उत्पादन गर्न सकिने पेट्रोलियमको मात्रा आदिको विश्लेषण गरी प्रमाणित भण्डार व्यापारिक प्रयोजनका लागि उपयुक्त छ वा छैन ? त्यसको निश्कर्ष निकालिनेछ ।सभार जनता समचार
प्रतिक्रिया दिनुहोस