AP Khabar२०७६ फागुन २६, सोमबार (४ साल अघि)
२१६ पाठक संख्या फाल्गुन २६ काठमाडौं ।
प्रधानमन्त्री केपी शर्मा ओलीको स्वास्थ्यमा सन्तोषजनक सुधार भइरहेको छ । बुधबार दोस्रो पटक मृगौलाको प्रत्यारोपण गराउनुभएका प्रधानमन्त्री ओलीको स्वास्थ्यमा सन्तोषजनक सुधार भएको चिकित्सकहरुले बताएका हुन् ।
चिकित्सकका अनुसार प्रधानमन्त्रीले नियमित खानपान, हिडडुल र व्यायमलाई निरन्तरता दिनुभएको छ । उहाँको स्वास्थ्यमा क्रमिक सुधार भएपनि डिस्चार्ज गर्ने समय भने अहिले नै भन्न नसकिने चिकित्सकहरुको भनाइ छ ।
त्रिवि शिक्षण अस्पतालका कार्यकारी निर्देशक डा.प्रेमकृष्ण खड्गाले नियमित रुपमा चेकजाँच भइरहेको र डिस्चार्ज कति दिनपछि हुन्छ भनेर भन्न सकिने अवस्था नरहेको बताउनुभयो ।
प्रधानमन्त्री ओलीको पहिलो पटक १२ वर्षअघि भारतमा मृगौला प्रत्यारोपण गरिएको थियो । उहाँलाई मृगौला दिने समिक्षा संग्रौलाको स्वास्थ्यस्थिति पनि राम्रो रहेको अस्पतालले जनाएको छ ।
प्रतिक्रिया दिनुहोस