चैत १७ एजेन्सी ।
फिलिपिन्सको मनिलामा बिरामी लिएर जान लागेको लायन एअरको ट्वीन जेट वेष्ट विन्ड २४ विमान विष्फोट हुँदा ८ जनाको मृत्यु भएको छ ।
राजधानी मनिलाको निनोय अक्विनो अन्तर्राष्ट्रिय विमानस्थलमा आठ बजेतिर भएको विष्फोटमा तीन स्वास्थ्यकर्मी, चालक दलका तीन, एक विरामी र उनका साथ रहेका अर्का व्यक्तिको मृत्यु भएको छ ।
लायन एअर फ्लाइट आरपीसी ५८८० को यो चाटर्ड विमान उडान भर्ने क्रममा विष्फोट भएको थियो । विमान मनिलाबाट जापानको हानेदा जाने क्रममा रहेको थियो ।
फिलिपिन्सको यातायात विभागले घटनाको पुष्टि गरेको छ । विष्फोटमा मृत्यु हुनेमा एक अमेरिकी र एक क्यानाडेली नागरिक भएको बताइएको छ । बाँकी भने फिलिपिनो नागरिक नै रहेको सरकारी अधिकारीहरुले जनाएका छन् ।
फिलिपिन्स सरकारले यो विमानलाई कोरोभाइरससँग सम्बन्धित बिरामीहरुलाई सुरक्षित स्थानमा पठाउन प्रयोग गर्दै आएको बताइएको छ । तर, विमानमा रहेका बिरामी कोरोनाभाइरस संक्रमति थिए, थिएनन् खुलाइएको छैन ।
प्रतिक्रिया दिनुहोस