चैत २३ काठमाडौं । जल तथा मौसम अनुमान महाशाखाले आज नेपालको पश्चिमी क्षेत्रमा मेघ गर्जन र चट्याङ्सहित वर्षाको सम्भावना रहेको बताएको छ ।
तीन दिनको मौसम पूर्वानुमान जारी गर्दै महाशाखाले स्थानीय र पश्चिमी वायुको प्रभाव कायम रहेकाले मौसममा फेरबदल हुनसक्ने जनाइएकाे छ । देशकाे बाँकी भूभागमा भने सामान्यतया सफा रहने महाशाखाले अनुमान गरेको छ ।
चट्यासहित वर्षा हुनेसक्ने भएकाले पश्चिमी क्षेत्रका बासिन्दाले विशेष सावधानी अपनाउन पनि महाशाखाले अनुरोध गरेको छ ।
महाशाखाले जारी गरेको २ दिनको मौसम पूर्वानुमान :
चैत्र २३ गते (आईतबार)
दिउँसोः देशकाे पहाडी भूभागमा अपरान्हपछि आंशिक बदली भई पश्चिमी पहाडी भूभागका केही स्थानमा मेघ गर्जन र चट्याङ्सहित वर्षाको सम्भावना तथा बाँकी भूभागमा मौसम सामान्यतया सफा रहने छ ।
रातीः देशभर मौसम सामान्यतया सफा रहने देखिन्छ ।
चैत्र २४ गते (सोमबार)
दिउँसोः देशका पहाडी भूभाग तथा पश्चिमि भूभागमा अपरान्हपछि आंशिक बदली भई एक वा दुई स्थानमा मेघ गर्जन र चट्याङसहित वर्षाको सम्भावना तथा बाँकी भूभागमा मौसम सामान्यतया सफा रहने छ ।
रातीः देशका पहाडी भूभाग तथा पश्चिमि भूभागमा आंशिक बदली भई एक वा दुई स्थानमा मेघ गर्जन र चट्याङ्सहित वर्षाको सम्भावना तथा बाँकी भूभागमा मौसम सामान्यतया सफा रहने छ ।
प्रतिक्रिया दिनुहोस