आज:  २०८० चैत्र १६, शुक्रबार | Fri, 29, Mar, 2024
FLASH NEWS
Advertisement
SKIP THIS

कोरोनाबाट मृत्यु हुनेको संख्या २ लाख ७० हजार नाघ्यो

AuthorAP Khabar२०७७ बैशाख २६, शुक्रबार (३ साल अघि) ३६५ पाठक संख्या

काठमाडौं : विश्वभर कोरोना भाइरस संक्रमणबाट मृत्युु हुनेको संख्या २ लाख ७० हजार नाघेको छ। संक्रमितको संख्या ३९ लाख १२ हजार ४ सय २५ पुगेको छ। अहिलेसम्म विश्वभर कोरोना संक्रमणबाट २ लाख ७० हजार ३ सय ९४ हजारको मृत्यु भएको वर्ल्डओमिटरले जनाएको छ। गएको २४ घण्टामा मात्र विश्वभर ५५ सय ५७ जनाको मृत्यु भएको छ।

बिहीबार एकै दिन संसारभर गरी ९५ हजार भन्दा धेरै नयाँ संक्रमित थपिएका छन्। संक्रमितमध्ये अहिलेसम्म १३ लाख ४० हजार ६ सय १ जना उपचारपछि निको भएका छन् भने २३ लाख एक हजार ४ सय ३० जना उपचारको क्रममा छन्। त्यसमध्ये ४८ हजार ९ सय ४८ जनाको अवस्था गम्भीर छ।

कोरोना संक्रमणबाट अमेरिकामा गएको २४ घण्टा मात्र २१ सय ९ जनाको मृत्यु भएसँगै मृतकको संख्या ७६ हजार ९ सय ८ पुगेको छ । त्यहाँ संक्रमितको संख्या १२ लाख ९२ हजार नाघेको छ। बिहीबार मात्रै अमेरिकामा २९ हजार भन्दा धेरै नयाँ संक्रमित थपिएका छन्।

त्यसैगरी ब्राजिलमा बिहीबार ६ सय जनाको कोरोना संक्रमणबाट मृत्यु भएको छ। त्यहाँ अहिलेसम्म मृतकको संख्या ९ हजार नाघेको छ।

त्यसैगरी बेलायतमा बिहीबार ५ सय ३९ जनाले ज्यान गुमाएका छन् भने स्पेनमा २१३, इटालीमा २७४, फ्रान्समा १७८, क्यानाडामा १७६, जर्मनीमा ११७, मेक्सिकोमा १९७, रसियामा ८८, टर्कीमा ५७, इरानमा ६८, पेरुमा ९४, बेल्जियममा ७६, नेदरल्यान्डमा ८४, स्वीडेनमा ९९, पाकिस्तानमा ४१ जनाले ज्यान गुमाएका छन्।

बेलायतमा अहिलेसम्म कोरोना संक्रमणबाट ३० हजार ६ सय १५ जनाले ज्यान गुमाएका छन् भने इटालीमा २९ हजार ९ सय ५८, स्पेनमा २६ हजार ७०, फ्रान्समा २५ हजार ९ सय ८७ जनाको मृत्यु भइसकेको छ।

भारतमा गएको २४ घन्टामा कोरोना संक्रमणबाट १०४ जनाले ज्यान गुमाएका छन् भने १८ सय ८९ जनाले ज्यान गुमाएका छन् । अहिलेसम्म भारतमा ५६ हजार ३ सय ५१ जना संक्रमित भएका छन्। बिहीबार एकै दिन त्यहाँ ३३ सय ६४ जना नयाँ संक्रमित थपिएका छन्।

 

 

 

जनता समाचार

प्रतिक्रिया दिनुहोस