AP Khabar२०७५ पौष १२, बिहिबार (५ साल अघि)
४१४ पाठक संख्या काठमाडौं , पुष १२ : लिटिल बुद्धका नामले चिनिएका रामबहादुर बम्जनको आश्रमबाट आनीहरु वेपत्ता भएको परिवारजनले उजुरी गरेका छन् । तिनमा फूलमाया रुम्बा र कर्म वाइबालगायत रहेका छन् ।
विजय रुम्बाले दिदी पूलमाया र महेन्द्र वाइबाले बुबा सञ्चलाल वाइबा करिब ५ वर्षदेखि खोजी गर्दा नभेटिएकाले तलास गरिदिन छुट्टाछुट्टै निवेदन दिएको जिल्ला प्रहरीका डीएसपी यज्ञप्रसाद भट्टराईले जानकारी दिए ।
बाराको जंगलमा निराहार तपस्या गरेको भनि चर्चामा आएका बम्जनको बाराको हलखोरियास्थित आश्रममा आनी बन्न फूलमाया ०६८ सालदेखि गएको परिवारले जनाएकोछ । उनीसँगै अरु दुई आनी पनि वेपत्ता भएको समाचारमा उल्लेख छ ।
प्रतिक्रिया दिनुहोस