AP Khabar२०७५ पौष १३, शुक्रबार (५ साल अघि)
४०४ पाठक संख्या काठमाडौं , पौष १३ : राष्ट्रियसभा नियमावली २०७५ संशोधन गर्न मस्यौदा समिति गठन गरिएको छ ।
राष्ट्रियसभाको शुक्रबार बसेको बैठकले ९ सदस्यीय मस्यौदा समिति गठन गरेको हो । समितिमा जीतेन्द्रनारायण देव, जीवन बुढा, दीलकुमारी रावल (पार्वती), परशुराम मेघी गुरुङ, प्रमिला कुमारी, रामनारायण विडारी, विद्यादेवी राना, वृषेशचन्द्र लाल र शेरबहादुर कुँवर रहनुभएको छ ।
आजको बैठकमा सांसद दीनानाथ शर्माले समिति गठनसम्बन्धी प्रस्ताव प्रस्तुत गर्नुभएको थियो । सो प्रस्तावलाई सांसद रामचन्द्र राई र अनिता देवकोटाले समर्थन जनाउनुभएको थियो ।
बैठकले ‘राहदानी विधेयक २०७५ माथि विचार गरियोस्’ भन्ने प्रस्तावलाई सर्वसम्मतिले स्वीकृत गरेको छ । परराष्ट्रमन्त्री प्रदीपकुमार ज्ञवालीले बैठकसमक्ष सो प्रस्ताव प्रस्तुत गर्नुभएको थियो ।
राष्ट्रियसभाको अर्को बैठक पुस २० गते शुक्रबार दिनको १ बजे बस्नेछ ।
समाचार
प्रतिक्रिया दिनुहोस