डोटी , पौष २५ : कुखुरामा देखिने रानीखेत नामक रोगका कारण डोटीका एक व्यवसायीले लाखौँको क्षति व्यहोर्नुपरेको छ । दिपायल–सिलगढी नगरपालिका–५ पुन्नाका डिल्लीराज भट्टले शुरु गरेको पोल्टी फर्मका सबै कुखुरामा रानीखेतको असर देखिएको हो ।
भट्टको फर्ममा रहेका लेयर्स जातीका सात सय कुखुरा रोगका कारण मरेका छन् । अण्डा उत्पादनका लागि पालिएका कुखुराले ३ महिनाअघि देखिमात्रै अण्डा दिन शुरु गरेका थिए । अहिले १ हजार कुखुरामध्ये ३ सय मात्रै बाँकी रहेका छन् । तिनीहरु पनि बिरामी रहेका छन् ।
रोगको आक्रमण भएपछि उपचार सम्भव नभएकै कारण ठूलो क्षति व्यहोर्नुपरेको पशु चिकित्सकले बताएका छन् । डोटीको पुन्नामा अन्य किसानले पनि कुखुरा पालन गरेका छन् ।
जनता समाचार
प्रतिक्रिया दिनुहोस