काठमाडौं , माघ ३ : पर्वतको कुस्मा नगरपालिका – १ मालढुंगामा बस दुर्घटना हुदा ४ जनाको मृत्यु भएको छ भने ३४ जना घाइते भएका छन ।
म्याग्दीको बेनीबाट नारायणगढ तर्फ हिडेको ग १ ख ६१०८ नम्बरको बस बिहान साढे ८ बजे दुर्घटना भएको हो । बस सडकबाट कालीगण्डकी किनारमा पुगेको छ ।
अहिले सम्म घटनास्थलमा ३ जनाको मृत्यु र १ जनाको अस्पतालमा मृत्यु भएको प्रमुख जिल्ला अधिकारी गुरुदत्त ढकालले जानकारी दिनुभयो ।
ढकालले भन्नुभयो ‘बसमा सवार ३८ जना रहेको बुझिएको छ । घाइतेहरुको उद्वार भइसकेको छ ।’ घाइतेहरुलाई पोखरा, कुस्मा र बागलुङ्ग तर्फ पठाइएको ढकालले जानकारी दिनुभयो ।
जनता समाचार
प्रतिक्रिया दिनुहोस