काठमाडौँ , माघ १३ : अन्तरराष्ट्रिय क्रिकेट काउन्सीलले पाकिस्तान टिमका कप्तान सरफराज अहमद माथि चार खेलको प्रतिबन्ध लगाएको छ ।
सरफराजले दक्षिण अफ्रिकासँगको दोस्रो खेलमा अफ्रिकी खेलाडी एंडिल फेहलुकवायो माथि नश्लिल टिप्पणी गरेका थिए । आइसीसीको एंटी रेसिज्म कोडको उल्लंघन गर्ने सरफराजलाई चार खेलको प्रतिवन्ध लगाइएको हो । आइतबार आइसीसीले ट्वीट गरेर यसको जानकारी दिएको हो । चार खेलको प्रतिबन्धका साथै सरफराजले एउटा शैक्षिक कार्यक्रममा पनि सहभागी हुनुपर्ने आइसीसीले जनाएको छ ।
सरफराजले आफ्नो गल्तीमा माफि मागेको कुरालाई ध्यानमा राखेरे कारवाही गरेको आइसीसीका मुख्य कार्यकारी अधिकारी डेविड रिचर्डसनले बताएका छन् । आइसीसीको यो निर्णय सँगै सरफराज दक्षिण अफ्रिका विरुद्धको बाँकी दुई खेलमा खेल्न नपाउने भएका छन् ।
जनता समाचार
प्रतिक्रिया दिनुहोस