गणेश घिमिरे–
सबै आफ्नो मूल्य खोज्छन् बजार जस्तो केही छ
बिद्वान् मूर्ख सबैको काम् ब्यापार जस्तो केही छ
भैंसी सिंगै छिर्न सक्छ दाम्लो मात्रै छिर्दिदैन
किन लाग्छ एयरपोर्टमा सरकार जस्तो केही छ
आफु ऐना नहेरेर गल्तिहरु खोज्दै हिड्छ
अचेल यो मान्छे भित्र बिमार जस्तो केही छ
अतितको धारले रेट्थ्यो चुलेसीले रेटे सरी
तिमी आए देखी ज्यानमा सुधार जस्तो केही छ
जति रोए पनि आशु सकिएको थाहा छैन
पक्कै पनि आँखासंगै इनार जस्तो केही छ ।
narayani online
प्रतिक्रिया दिनुहोस