एपी खबर
बारा , फागुन ८ : नेपाली कांग्रेसका सभापति एवंम् पूर्व प्रधानमन्त्री शेरबहादुर देउवालाई बाराको सिमरामा एक सय ५१ किलोको माला लगाएर स्वागत गरिएको छ । बिरगंजको दियालो होटलको उद्घाटन गर्न जाने क्रममा सिमरा आई पुगेका देउवालाई नेपाली कांग्रेस जीतपुरसिमरा नगर समितिले एक सय ५१ किलोको माला लगाएको हो ।
नगर सभापति श्यामबाबु गुप्ताले सिमरा स्थित पार्टी कार्यालयमा सभापति देउवालाई माला लगाएर स्वागत गरेका थिए । सिमरा आएका देउवाले सञ्चारकर्मीसँग भने बोल्न मानेनन् । सञ्चारकर्मीले प्रश्न राख्न खोज्दा देउवाले अहिले नबोल्ने भन्दै सञ्चारकर्मीलाई पन्छाएका थिए ।
यस अघि देउवालाई स्वागत गर्न सिमरा बिमानस्थलमा पूर्व मन्त्री फरमुल्ला मन्सुर , पूर्व सभासद राधेचन्द्र यादव , अजय चौरसिया , रमेश रिजाल , अजय द्धिवेदी , मधु शाही सहिँत बारा र पर्साका नेता तथा कार्यकर्ताको उपस्थिती रहेको थियो । देउवालाई स्वागत गर्न कांग्रेस कार्यकर्ता बिच तछाडमछाड समेत देखिन्थ्यो ।
यता पूर्व प्रधानमन्त्री देउवालाई बाराको जीतपुरसिमरा उपमहानगरपलिका ७ जीतपुरमापनि स्वागत गरीएको छ । स्वागतको क्रममा जीतपुरसिमरा उपमहानगरपालिका वडा नम्बर ७ का वडा अधयक्ष रामबाबु गुप्ता, वडा सदस्य दुर्गा रिजाल, ज्ञानी पासवान, नेपाली कांग्रेस महासमितिका सदस्य कपिलदेव यादब, स्थानिय समाजसेवि अफताब आलम, नारीशक्ति विकास मंचकी अध्यक्ष आशा दहाल लगाएतको सहभागीता रहेको थियो ।
प्रतिक्रिया दिनुहोस