भारतले सोच्नै नसक्नेगरी आक्रमण गर्ने पाकिस्तानको चेतावनी

 पाकिस्तानको सेनाले आकस्मिक आक्रमणको लागि तयार रहन भारतलाई चेतावनी दिएको छ । भारतले आफ्नो भूभागमा हवाई आक्रमण गरेको बदलास्वरूप आफूले रोजेको समय र स्थानमा प्रतिक्रिया जनाउने चेतावनी पाकिस्तानले दिएको बीबीसीले जनाएकाे छ ।

सैनिक प्रवक्ता मेजर जनरल आसिफ गफूरले चकित पर्न तयार रहन भारतलाई सावधान गराए । भारतले उसका लडाकु विमानले जैश–ए–मोहम्मद सङ्गठनको आत्मघाती हमलाकारीहरूको प्रशिक्षण शिविर ध्वस्त पारिदिएको बताएको छ । पाकिस्तानले चाहिँ भारतीय विमानहरूलाई आफ्ना विमानले फर्कन बाध्य पारिदिएको र कुनै हताहती नभएको बताएको छ।