महाशिवरात्रि पर्व आज आराध्यदेव भगवान शिवको पूजाआजा गरी मनाइँदै छ । यस अवसरमा भगवान पशुपतिनाथ तथा मुलुकभरका शिवालय एवं महादेव मन्दिरमा भक्तश्रद्धालुहरुको भीड लागेकोे छ ।
फागुन कृष्णपक्षको चतुदर्शी तिथिमा मनाइने महाशिवरात्रि पर्वमा भगवान शंकर यस लोकमा प्रादर्भाव हुनुभएको शास्त्रमा उल्लेख छ । जगतकल्याणका प्रतीक भगवान शिवका भक्तहरुले महाशिवरात्रिमा शिवलिङमा बेलपत्र, रुद्राक्ष, श्रीखण्ड चन्दन चढाएर विशेषपूजाआजा गरी राति धुनी लगाउने गर्दछन् । विषौधिका समेत प्रणेता भगवान शिवलाई भाङ धतुरो जस्ता वनस्पति पनि चढाउने चलन छ । भगवान शिव उत्पन्न हुनुभएको यस रातलाई महाशिवरात्रिको रुपमा भजनकीर्तन गरी रातभर धुनी जगाई शिवसाधना गररे मनाउने परम्परा छ ।
janta samachar
प्रतिक्रिया दिनुहोस