AP Khabar२०७५ चैत्र १, शुक्रबार (५ साल अघि)
२८४ पाठक संख्या बारा १ चैत्र सरकारले गत बर्ष सन्चालन गरेको भर्ना अभियानमा अभिभावकत्व ग्रहण गरी बिध्यालयमा भर्ना भएका बिध्यार्थीको अवस्था कस्तो छ त्यसको लेखा जोखा हुन सकेको छैन । चर्चामा आउनका लागि उच्व पदस्थ अधिकारी र जनप्रतिनिधीहरुबाट गत बर्ष भर्ना अभियान सुरु भए संगै अभिभाबकत्व ग्रहणको लहरै चलेको थियो ।
बारा जिल्लाका बिभिन्न बिध्यालयमा अभिभाबकत्व ग्रहण गरी भर्ना गरीएका बिध्यार्थीहरु मध्ये कति पय बिध्यालय जानै छोडि सकेका छन,भर्ना संगै अभिभाबकले दिएको कापी र कलम सकिएपछि नयां खरिद गर्न सकि रहेका छैनन उनिहरु कापी,कलम,खाजा र परीक्षा सन्चालन सहयोगको नाममा बिध्यालयले लिने शुल्क तिर्न नसकेर परीक्षा समेत दिन नसक्ने अवस्था आएको बिध्याथीको गुनासो छ । जितपुर सिमरा उपमहानगरपालिका भित्र करीब १५ जना बिध्यार्थीको अभिभावकत्व ग्रहण गरीएको थियो त्यस मध्ये सबै बिध्यालयमा नियमित छैनन ।
यसै बिषयमा रहेर रेडियो सिमराले अभिभावकत्व ग्रहण गरेका बिध्यार्थीको अवस्था र आगामी भर्ना अभियानलाई कसरी प्रभावकारी बनाउने भन्ने बिषयमा जनसरोकार रेडियो बहस कार्यक्रमको आयोजना गर्ने भएको छ । चैत्र २ गते शनिबार जितपुर सिमरा उपमहानगरपालिका वडा नम्बर २ को कार्यालय सिमरामा हुने कार्यक्रममा प्रदेस सभा सदस्य शोभा लामा,शिक्षा बिकास तथा समन्वय इकाइ बाराका प्रमुख नरेन्द्र राज पौडेल,शिक्षक महासंघका प्रतिनिधी एवंम नेपाल राष्ट्रिय शिक्षक संगठन बाराका अध्यक्ष अनिल मैनाली र सरोकारवालाका बिचमा बहस हुने छ ।
सामुदायिक बिध्यालयमा बिध्यार्थी भर्ना दर घटेकाले अव सुरुहुन लागेको बिध्यार्थी भर्ना अभियानलाई प्रभावकारी बनाउन कार्यक्रमको आयोजना गरीएको रेडियो सिमराका कार्यकारी निर्देशक मनोज पौडेलले बताउनु भयो । बहस कार्यक्रम चैत्र २ गते बिहान ८.३० बजे हुने भएकोले उपस्थित हुन शिक्षक,अभिभाबक, बिध्यालय ब्यवस्थापन समितीका पदाधीकारी तथा सरोकारवालामा अनुरोध गरीएको पौडेलले जानकारी दिनु भयो ।
प्रतिक्रिया दिनुहोस