आज:  २०७७ कार्तिक १०, सोमबार | Mon, 26, Oct, 2020
FLASH NEWS

मेयर इनू राय यादवले एकै दिन गरे तीन स्वास्थ्य केन्द्र र एक वर्थिङ सेन्टरको उदघाटन

२०७७ आश्विन २९, बिहिबार (१ हप्ता अघि) २९ पाठक संख्या

ओम प्रकाश यादव  रौतहट
रौतहटको गरुडा नगरपालिकाका मेयर ईनु राय यादवले जिल्लामै पहिलो पटक एकै दिन आज तीन स्वास्थ्य केन्द्र र एक प्रसूति गृहको उदघाटन गरेका छन ।

मेयर यादवले आज एक कार्यक्रमका बीच उक्त पूर्वाधार निर्माण का भवनहरूको रिबन काटेर उदघाटन गरेका हुन् ।
मेयर यादवले गरुडा नगरपालिका ६ पोथियाहिमा एक प्रसूति गृहको उदघाटन गरेका हुन् भने जिंगडिया, अम्मरपटी र पिपरिया दोसतियामा एक एक सहरी स्वास्थ्य केन्द्रको उदघाटन गरेका हुन् ।

 

मेयर यादवले उदघाटन गरेसँगै अम्मरपटी, जिंगडिया र पिपरीयामा आजदेखि सहरी स्वास्थ्य केन्द्र सञ्चालनमा आएको छ ।
यश अघि स्वास्थ्य केन्द्र नहुँदा औषधि उपचारका लागि सर्वसाधारणहरु लाई ठूलो कठिनाई हुँदै आएको थियो ।
जनताको पिर मर्कालाई बुझेर मेयर यादवले नगरपालिकाको लगानीमा उक्त स्वास्थ्य केन्द्रको भवन निर्माण गरी सञ्चालन गरेपछि सर्वसाधारणहरु निकै हर्षित भएका छन् ।

 

आफ्नै गाउँमा प्रसूति गृह र स्वास्थ्य केन्द्र सञ्चालन भयपाछि अब महिलाको डिलेवरी तथा औषधि उपचारको लागि सर्वसाधारणहरुलाई एक गाउँबाट अर्को गाउँ वा सहरमा जानुपर्ने बाध्यता पनि आजदेखि अन्त्य भएको छ ।
मेयर यादवले स्वास्थ्य केन्द्र र प्रसूति गृह सञ्चालन गरी निकै सराहनीय काम गरेको भन्दै नगरबासी उनलाई प्रसंसा समेत गर्न थालेका छन् ।

प्रतिक्रिया दिनुहोस