आज:  २०७७ माघ १०, शनिबार | Sat, 23, Jan, 2021
FLASH NEWS

राजेन्द्र महतोलाई आफ्नै क्षेत्र जनकपुरमा कालो झण्डा

२०७७ पौष २७, सोमबार (१ हप्ता अघि) २५ पाठक संख्या

जनता समाजवादी पार्टी (जसपा) का वरिष्ठ नेता राजेन्द्र महतोलाई आफ्नै निर्वाचन क्षेत्र जनकपुरमा युवाहरुले कालो झण्डा देखाएका छन् ।

 

सोमबार संसद विघटनविरुद्व प्रदर्शनमा सहभागी हुने क्रममा युवाहरुले उनलाई कालो झण्डा देखाएका हुन् । कालो झण्डा देखाउने क्रममा युवाहरुले राजेन्द्र महतो मुर्दावाद, शहीदको भावनासँग खेलबाड गर्न पाइँदैनजस्ता नारा समेत लगाएका छन् ।

 

जसपाले रेल्वे स्टेशनमा संसद विघटनविरुद्व आयोजना गरेको विरोध सभामा सहभागी हुन जाने क्रममा नेता महतोलाई केही युवाले स्थानीय भानु चोकमा कालो झण्डा देखाएका हुन् ।

 

चुनावभन्दा अघि शहीदको परिवारलाई रु ५० लाख दिने भनेपनि त्यो पूरा नगरेकाले कालो झण्डा देखाइएको युवाहरुले भनाइ छ । युवाहरुले नेता महतोलाई कालो झण्डा देखाउँदा प्रहरीले रोकेका थिए ।

प्रतिक्रिया दिनुहोस